Дэлгэрэнгүй
Татаж авах Docx
Дэлгэрэнгүй уншаарай
Их Багш хэзээ ч та нарыг орхидоггүй. Багш үргэлж хүлээж, боломж гарах бүрд ямагт туслахад бэлэн байдаг, эсвэл ядаж л амьдралын тань сүүлчийн мөчид Их Багш туслахыг хичээсээр байх болно. Гэвч өөрийгөө төрөл бүрийн бохир заваан, үнэртэй, муу үйлийн үртэй хогийн сав бүү болгоорой. Их Багшид, өөрийнхөө итгэдэг хэнд ч бай ямагт өөрийн тань Хамгаалагч байх боломж олго. Учир нь тийм боломж олгохгүй бол Их Багш бас яаж ч чадахгүй. Материаллаг ертөнцийн хууль энэ юм. Бусад ертөнцүүдэд тийм зүйл байдаггүй. Илүү дээд ертөнцүүдэд тийм зүйл байхгүй – энэ нь автомат.
Их багш нарын гурав дахь төрөл нь саармаг. Өөрөөр хэлбэл та нарт муу үйлийн үр өгөхгүй, адислал ч мөн адил өгөхгүй. Учир нь тэр хүнд зөвхөн өөрийгөө энэ дэлхийд аваад явчих хэмжээний л сүнслэг буянтай байдаг. Тийм хүмүүс ихэвчлэн өөрсдийгөө л дааж яван, эсвэл ихдээ хамаатан садан, найз нөхөд, хэдэн үеэ болон тэжээвэр амьтан-хүмүүсээ л даах чадалтай байдаг. Тэдэнд өөр бусад, хамааралгүй хүмүүст өгөх боломж байдаггүй. Бид бүгд холбоотой л доо, гэвч тэдний амьдралын туршид ямар ч холбоогүй хүмүүст гэж хэлэх гэсэн юм. Тиймээс ийм хүмүүс өөрт тань юу ч өгөхгүй. Яах вэ, муу үйлийн үр өгснөөс дээр юм даа.Хэн нэгэн өөрт тань адислал өгч байна гэдэг нь мөн аз хийморь, сайн сайхан, аз жаргал, эрүүл энх зэрэг бүхий л зүйлийг өгч байна гэсэн үг. Адислал зөвхөн сүнслэг дэвшилд хамаатай юм биш. Хэрэв хэн нэгэн, тухайлбал жинхэнэ Их Багш танд Адислал өгч байгаа бол та үнэхээрийн их азтай хүн гэсэн үг. Үүний төлөө та Бурханд ийм Их Багштай учруулсанд нь машид ихээр талархах учиртай. Амьдралынхаа өдөр бүр ямагт эерэг зүйл бодож, цаг үргэлж Бурханыг санах учиртайг л санаж яваарай. Мөн жинхэнэ Их Багштай бол Түүнийгээ санаж байгаарай. Байхгүй бол Бурханыг л санаж яв.Амьдралдаа байгаа бүхэнд, муу зүйлсэд нь хүртэл Бурханд талархаарай. Яагаад гэвэл заримдаа тааруухан зүйл сайн болж, үйлийн үрийг тань арилган, сүнслэг дэвшилд хүрэхэд, эсвэл амьдралд тань аз завшаан, баяр жаргал зэрэг бусад таатай зүйлс орж ирэх зайг гаргахаар ямар нэг зүйлээс салгадаг. Яагаад гэвэл амьдрал тань муу зүйлсээр дүүрээд, сөрөг хүлээлтүүд, бусдаас ирэх сөрөг үйлийн үрээр дүүрэн байхаар адислал, баяр жаргал, зол завшаанд хүртэл орох зай үлдээгүй байдаг юм.Нэгэн Их Багшид шавь нь гомдоллож буй нэг түүх байдаг. “Надад ийм ч, тийм ч асуудал гарч байхад Та хаана байсан юм бэ? Та намайг хамгаалж, адислах учиртай шүү дээ. Та тэнд байгаагүй. Хэдэн хий үзэгдэл, чөтгөрүүд ирэхийг л би хараад үнэхээр их айсан.” гэхэд нь Багш нь “Би хаалганы тань гадаа зогсож байсан ч та зүрх сэтгэлдээ, залбиралдаа бусад бүхнийг урьж оруулсан. Лам нар, номлогч нар гэх мэт танд ямар ч адислал өгөх хэмжээнд хүрээгүй хүмүүсийг урьж, орон нутгийн бурханд залбирах гэх мэт зүйлс хийсэн. Намайг уриагүй. Намайг тэр чигтээ мартчихсан. Тиймээс би зогсоод хүлээгээд байлаа. Надад нэг их хийж чадах зүйл байсангүй. Гэр тань бусдаар дүүрсэн байна.” гэдэг. Ингээд тэр үеэс хойш шавь нь Их Багшийгаа илүүтэй санаж явдаг.Гэсэн ч Их Багш хэзээ ч та нарыг орхидоггүй. Их Багш үргэлж хүлээж байдаг, боломж гарах бүрд та нарт туслахад бэлэн байх ба, ядаж л амьсгал хураах сүүлчийн мөчид тань Их Багш туслахыг хичээдэг. Гэвч өөрийгөө төрөл бүрийн бохир заваан, үнэртэй, муу үйлийн үр цуглуулсан хогийн сав бүү болгоорой. Их Багшид, итгэдэг нэгэндээ өөрийн тань Хамгаалагч байх боломжийг ямагт олгож бай. Учир нь зөвшөөрөхгүй бол Их Багш хүртэл яаж ч чадахгүй. Энэ бол материаллаг ертөнцийн хууль юм. Илүү дээд ертөнцүүдэд тийм зүйл байдаггүй, - энэ нь автомат.Асурын ертөнцөд хүртэл та Их Багштай бол, мөн Түүнд итгэдэг бол Тэр таны дэргэд байж үнэн сургаалыг үргэлжлүүлэн зааж сургаж улмаар ирээдүйд суралцаж дууссаны тань дараа таныг илүү дээд түвшинд дэвшүүлдэг. Учир нь дотоод үзэл бодол тань буруу бол илүү дээд хэмжээст байх боломжгүй. Та нар итгэх ёсгүй зүйлдээ итгэж, Бурханыг тийм сайн санадаггүй. Бурханд залбирахын оронд та нар хаа хамаагүй хий үзэгдэл, чөтгөрт залбирдаг. (Эзэн) Есүс айлдахдаа “Хараагүй ч гэлээ итгэдэг хүмүүс үнэхээр адислалтай” гэсэн. Ядаж Бурханд итгэ. Өөрт тань тусалсан өнгөрсөн, одоо, ирээдүйн Их Багш нарт итгэ. Ялангуяа өнөө цагийн Их Багш нарт. Учир нь амьд Их Багш нарт та бүхэнд туслахад шаардлагатай бүх адислалыг агуулж байдаг. Яагаад гэвэл энэ нь Түүнд оногдсон ажил юм. Санал өгч сонгоод ерөнхийлөгч болгодогтой адил. Тэрээр гэмт хэрэгтэнд хүртэл өршөөл үзүүлж чадах, мөн олон хүнийг уучилж чаддаг байх гэх зэрэг олон давуу эрх эдэлдэг.Харин та нарт хэлсэн гурав дахь төрлийн хүн бол та нарт ямар ч зүйл өгдөггүй. Тэр та нарт юу ч өгөхгүй, муу зүйл ч өгөхгүй. Та нарын хамгийн их айх ёстой хүмүүс бол хоёр дахь төрлийн хүмүүс. Учир нь тэд нар та бүхэнд сайн зүйл өгөхгүй атлаа харин өөрөөс тань авах болно. Муу зүйл өгснийхөө хариуд буянаас тань авна. Үйлийн үрийнхээ хэмжээгээр тэд авдаг. Асуудал нь энэ. Яг л гэрт тань орж ирсэн хулгайч шиг, мэдээгүй байхад тань авна. Тэд танд юу ч өгөхгүй. Тэд танаас чадах бүхнээ, авч явах боломжтой бүх зүйлийг, тохиромжтой бүх зүйлийг авах болно. Гэрээс тань хамгийн үнэ цэнтэй зүйлийг тэд авдаг.Хоёр дахь төрлийн хүмүүс мөн адил танаас юм аваад байх хэр нь танд ямар ч тус болдоггүй. Яагаад гэвэл та тэдний авч байгааг ч мэддэггүй. Бурханаас болон Их Багшаас танд өгөх Адислалыг мэдэх хэмжээнд сүнслэг дэвшилд хүрээгүй бол өөрийнхөө буяныг мэдэх эсэх талаар, сүнслэг ололтуудыг танаас авсан талаар ярих ч хэрэггүй. Заримдаа их, заримдаа багыг авдаг. Мэдээж хэрэг авч байгаа хүнээсээ хамаарна. Мөн өөрийн тань өөрийгөө хамгаалах сүнслэг хүчнээс хамаарна. Их Багшгүй бол тун эмзэг байдаг.Энэтхэгт эрт дээр үеэсээ хүмүүс Их Багшгүй хүнд итгэдэггүй. Заримдаа тэд өөрөөс тань Их Багштай юу гэж асуухад та “Үгүй ээ. Би итгэдэггүй” гэвэл тэд таныг дорд үздэг. Нэн шаардлагатай л биш бол тэд өөртэй тань зууралдахыг ч хүсэхгүй. Сикийн Их Багш нарын нэг Гүрү Амар Дас-т Их Багш байгаагүй. Тэгтэл Түүний танилууд, хамаатнууд нь Түүнд Их Багш байгаа эсэхийг асуудаг. Тэр “Үгүй” гэж хариулахад нь тэд үнэхээр Түүнд тун чиг эелдэг бус ханддаг. Хожим нь Түүнд тэр цаг үеийн Сикийн Их Багшийг танилцуулахад Тэрээр тэрхүү Сик Их Багш дээр очин аврал одуулдаг. 72 нас хүрсэн байсан ч насан туршдаа цагаан хоолтон байсан. Ингээд тэр тухайн цаг үеийнхээ амьд Сик Их Багшид аврал одуулдаг. Хамаг л чин сэтгэлээрээ Тэр чадах бүхнээ хийсэн. Дэлхий бүхэлдээ Түүний Их Багш байсан - Тэр өөр юу ч хүсдэггүй. Тэр үнэхээр даруу, Их Багшдаа туйлын хичээнгүй үйлчилж, хамгаас нарийн зүйлст хүртэл анхаардаг байв. Тиймээс Их Багш нь өөд болохоосоо өмнө их багшийн нөмрөгөө энэ настай хүнд өвлүүлж, улмаар Тэрээр тийм өндөр насандаа Их Багш болдог. Энэ бол онцгой тохиолдол. Ихэвчлэн Их Багш илүү залуу байх ёстой.Их Багшийн хамгаалалд багтахын тулд ихэвчлэн залуу байх ёстой бөгөөд залуу бол Их Багш юу ч зааж сургасан бай тэдэнд бясалгаж дадуулах, веган, эсвэл цагаан хоолонд дасах илүү цаг хугацаа байх болно. Эрт цагт зарим Их Багш мөн цагаан хоолтон байж, багахан сүү хэрэглэдэг байсан. Яагаад гэвэл тэр үед сүү одоогийнхыг бодвол хор хөнөөл бага байв. Үүнд химийн бодис ч байсангүй, хөнөөлтэй зүйлс огт байсангүй. Өнөө цагт шувууны ханиад хүртэл үнээ-хүний сүүнд орчихсон байдаг. Болгоомжлоорой.Media report from NBC Bay Area – April 27, 2024, Gia Vang: Халдвар авсан сүүний үнээнүүд. Хүнс, эмийн яамнаас H5N1 буюу шувууны ханиад ариутгасан сүүний 5 дээж тутмын нэгээс илэрсэн гэж мэдэгдлээ.
Та нарт гэж хэлэхэд веган байх нь хамгийн сайн. Мөн одоо цагт веган байх хүртэл эрсдэлтэй болчихсон. Зарим хүнс хөршийн талбайгаас бохирлогдож, эсвэл хөршийн бордоо, хөршийн хэрэглэсэн шавж устгагч бодисуудаар бохирлогддог.Дээр үед хүмүүс үнээ-хүмүүст сайн ханддаг байсан юм. Үнээ-, хонь-хүмүүс зэрэг амьтан-хүмүүсийг саахдаа зөвхөн гараараа саадаг байсан. Тэднээс зөвхөн хэрэглээнийхээ хэмжээний жаахан сүү авах гэж зөөлөн гараараа саадаг байлаа. Тугал нь ч эхтэйгээ өсөж торнин, сүү хөхөх шаардлагагүй болтлоо хамт байдаг байсан. Үнэхээр тэгдэг байсан шүү дээ.Учир нь тэдэнд сүү өгөх, жишээлбэл газар хагалах, ачаа зөөвөрлөх илүү олон амьтан-хүмүүс хэрэгтэй болсон юм. Дээр үед машин байсангүй, тийм ч олон машин байсангүй. Зарим улсад одоо ч ийм байдаг. Иймд тариалангийн талбайгаа арчлах амьтан-хүмүүстэйгээ сайхан харилцах энэ төрлийн эрүүл сайн сайхан зан үйл нь хүний эрүүл мэнд, эдийн засаг, байгаль орчинд үнэхээрийн сайн.Гэтэл өнөө цагт бид хэтрүүлдэг. Бид шуналтай. Мөн хүн ам өсөж, үнээ-хүмүүсийг саах гэж машин ашиглан зовоож, тамлан, тэднийг өдөржин жижигхэн хашлаганд хорьж, заримдаа хүзүүгээр нь гинжлэх зэргээр бүх төрлөөр тамладаг. Та нар харж байгаа. Мэдэж байгаа. Энэ бол туйлын хүнлэг бус, харгис бөгөөд хүн бүхэнд, энэ гарагт аймшигтай үйлийн үр тарьж байдаг. Бид энэ гаргаа алдах юм бол бүх зүйлээ алдаж, үүнд өөрсдийгөө л буруутгах болно. Ийм аймшигтай зүйлтэй бид нүүр тулахгүй байх гэж найдаж байгаа ч, хэн мэдэх билээ дээ?Бид бүгд аль чадахаараа хичээж байгаа ч хангалтгүй л байна. Бурханд, мөн бүх Их Багш нар, энэ Ертөнцийн бүх Эрхэм Ариун, Оройн Дээд Төрөлтнүүдэд бидэнд тусална гэж найдан, залбирч, итгэж байна даа. Гэвч бидний үйлийн үр хэт хүнд бол нэг их зүйл хийж чадахгүй; Тэд их зүйл хийж чадахгүй. Хамгийн агуу Их Багш, Бурхан ч нэг их зүйл хийж чадахгүй. Аливаа зүйл зохион байгуулалт, механизмынхаа дагуу явах учиртай байдаг. Энэ нь яг л таны машин дэндүү хуучраад, та олигтой арчлаагүй бол эрт, орой хэзээ нэгэн цагт осолд орох юм уу тэр чигтээ зогсохтой адил юм. Тэгэхээр машинаа дахин явдаг болгохын тулд засах хэрэгтэй. Засварчин дээр очиж болно, тэгээд болгоомжтой жолоодож, батарейг нь, моторыг нь, бараг бүхэлд нь солих юм бол машин тань явах болно.Photo Caption: Нэгдэж Хамтдаа Бид Дэлгэрдэг!
